*Skilmálar þessir voru gefnir út 29. nóvember 2023 og taka gildi samdægurs.

1. Almenn ákvæði

Skilmálar þessir gilda um sölu á þeim þjónustuleiðum Löður ehf. til neytenda og rekstraraðila er nefnist „Löður í áskrift“ og „Keyrt og kvitt“.

Teljast skilmálarnir staðfestir með kaupum á þjónustunni og teljast þau grunnurinn að viðskiptunum. Kaup á þjónustu samkvæmt skilmálum er eftirleiðis nefnd áskrift eða keyrt og kvitt . Á sama hátt er vísað jöfnum höndum til áskrifanda, kaupanda eða notanda í skilmálunum.

Skilmálar þessir er einungis útgefnir á íslensku.

Kaup neytenda á þjónustu samkvæmt skilmálum þessum teljast þjónustukaup og er um þau fjallað í lögum um þjónustukaup nr. 42/2000. Um kaup rekstraraðila á þjónustu samkvæmt skilmálum þessum gilda ólögfestar reglur kauparéttar og eftir atvikum ákvæði laga nr. 50/2000 um lausafjárkaup.

Seljandi þjónustunnar er Löður ehf., kennitala: 580912-0280, virðisaukaskattsnúmer: 112337, lögheimili: Fiskislóð 29, 101 Reykjavík. Kaupandi/áskrifandi telst sá sem greiðir fyrir þjónustuna. Sé kaupandi/áskrifandi neytandi verður hann að vera orðinn 18 ára gamall og hafa gilt ökuskírteini til að versla þjónustuna. Með kaupum á þjónustu í nafni rekstraraðila lýsir kaupandi þjónustunnar því yfir að hann hafi prókúruumboð fyrir rekstraraðila og/eða heimild til firmaritunar.

Við upphaf viðskipta um áskriftarþjónustu/keyrt og kvitt þarf notandi að gefa upp nafn, kennitölu, lögheimili, farsímanúmer, skráningarnúmer ökutækis og aðrar nauðsynlegar upplýsingar til þess að fá aðgang að þjónustunni.

2. Áskrift

Hafi kaupandi valið áskrift þá veitir sú áskriftarleið, sem valin er, kaupanda aðgang og eftir atvikum þjónustu á þeim bílaþvottastöðum sem viðkomandi áskriftarþjónusta gildir á og fyrir þann fjölda bifreiða sem áskrifandi hefur valið að greiða fyrir. Þannig býður Löður annars vegar upp á áskriftarleið sem felur í sér ótakmarkaðan þvott á þeim snertilausum stöðvum fyrirtækisins sem sérstaklega eru tilgreindar á heimasíðu fyrirtækisins www.lodur.is. Hins vegar býður Löður upp á þjónustu sem felur í sér, til viðbótar við framangreint, ótakmarkaðan þvott á þeim mönnuðu stöðvum fyrirtækisins sem einnig eru sérstaklega tilgreindar á fyrrgreindri vefsíðu Löðurs. Við kaup á báðum áskriftarleiðum stendur áskrifanda til boða að kaupa þjónustu vegna annarrar bifreiðar í hans eigu með 50% afslætti.

Löðri er heimilt að bæta við og eftir atvikum fækka þeim stöðvum sem tilgreindar eru á heimasíðu fyrirtækisins í samræmi við framangreint án þess að slíkt hafi áhrif gildi eða forsendur gildandi áskriftarsamninga eða samninga um Keyrt og kvitt.

Áskriftin er einungis til einkanota fyrir eiganda/umráðamann þess ökutækis sem áskriftin er keypt fyrir og þá gildir áskriftin eingöngu fyrir það ökutæki sem bar uppgefið skráningarnúmer við upphaf áskriftartímabils. Sé skráningarnúmer þeirrar bifreiðar sem gefið er upp við upphaf áskriftar einkanúmer eða fornmerki og til stendur að færa númerið af bifreiðinni, innan áskriftartímabils, þarf áskrifandi að leita fyrirfram samþykkis Löður ef óskað er eftir því að áskriftin gildi fyrir önnur skráningarmerki. Löður áskilur sér allt að 7 daga til þess að afgreiða beiðnir af framangreindum toga.

Óheimilt að dreifa og/eða deila áskriftinni með einhverjum þeim hætti að hún nýtist fleiri aðilum en greiða fyrir hana.

Löður í áskrift er eingöngu selt í gegnum farsímaforritin (e. apps) Parka og Löður. Gilda skilmálar Parka þar sem við á. Einnig gilda allir almennir skilmálar Löður, þ.m.t. skilmálar Löður appsins og persónuverndarstefna Löðurs, að því leyti að þeir samrýmast áskriftarskilmálum þessum.

Seljandi býður eins og að framan greinir tvær áskriftarleiðir; annars vegar ótakmarkaðan bílaþvott á tilgreindu tímabili í völdum snertilausum bílaþvottastöðvum og hins vegar ótakmarkaðan bílaþvott í völdum snertilausum og mönnuðum stöðvum.

Áskrift gildir í 30 daga í senn. Áskrift endurnýjast ávallt nema í þeim tilvikum þegar seljandi segir henni upp fyrir endurnýjun.

Áskrift telst bindandi þegar hún er skráð á netþjón seljanda. Seljandi er skuldbundinn til að afgreiða þá áskrift sem kaupandi óskar eftir af því gefnu að hún sé í samræmi við þjónustuúrval hans og verðlagningu. Seljandi getur bæði neitað sölu á áskrift og/eða afturkallað selda áskrift ef hann kýs svo, t.d. ef hann grunar að brögð séu í tafli og/eða hugbúnaðargalli hafi áhrif á áskriftina.

Sé kaupandi neytandi hefur hann rétt á að rifta áskrift samkvæmt þeim skilyrðum sem tiltekin eru í lögum um þjónustukaup. Um riftunarheimild kaupanda sem er rekstaraðila gilda almennar reglur kröfu- og kauparéttar.

Seljandi sendir kaupanda staðfestingu þegar áskrift er skráð, þó aðeins ef að kaupandi hefur skráð netfang sitt og símanúmer við kaupin. Það er skilyrði fyrir veitingu þjónustu af hálfu Löður að kaupandi sé rétthafi þess símanúmers sem gefið er upp við kaupin.

Kaupanda er bent á að kynna sér gaumgæfilega áskriftarstaðfestingu þegar hún berst og ganga úr skugga um að hún sé í samræmi við fyrirhugaða áskrift.

3. Keyrt og kvitt

Hafi kaupandi valið keyrt og kvitt þá veitir sú þjónustuleið seljanda möguleika á því að nýta sér þjónustu sem felur í sér að myndavélabúnaður Löður les skráningarnúmer viðkomandi bifreiðar og gjaldfærir sjálfkrafa kostnað við viðkomandi bílþvottakaup. Þjónusta af þessum toga er í boði á sömu snertilausu og mönnuðu stöðvum og áskriftarþjónusta er í boði en staðsetning þeirra þvottastöðva er tilgreind á heimasíðu fyrirtækisins www.lodur.is. Ákvæði 2.- 4. mgr. og 8 – 9. mgr. 3. gr. skilmála þessara gilda um þessa þjónustuleið eftir því sem við á .

4. Upplýsingar

Seljandi veitir upplýsingar um þjónustu eftir bestu vitund hverju sinni. Seljandi birtir allar upplýsingar með fyrirvara um bilanir, vírusa, prent-, birtingar- og innsláttarvillur í texta, verðum og myndum.

Seljandi áskilur sér rétt til að aflýsa í heild eða að hluta til áskrift kaupanda ef að þjónustan er uppseld og/eða biðtími eftir þeirri þjónustu sem hann hyggst veita er orðinn óeðlilega langur. Skal seljandi þá senda kaupanda tilkynningu þess efnis eins fljótt og unnt er.

5. Verð

Gjaldskrá seljanda tekur breytingum meðal annars vegna samkeppni, breytinga á fjármagnskostnaði, launaþróunar og verðbreytinga birgja á aðföngum. Komi til þess að gjaldskrá seljanda vegna áskriftar taki breytingum til hækkunar eða lækkunar þá hefur það ekki áhrif á gjaldtöku fyrir líðandi áskriftartímabil sem er 30 dagar og taka verðbreytingar því ekki gildi fyrr en við næstu endurnýjun sem er 30 dögum eftir upphaf líðandi áskriftartímabils. Breytingar á gjaldskrá taka gildi þegar í stað fyrir notendur þjónustunnar keyrt og kvitt. Gjaldskrá seljanda er birt á vefsíðu hans: www.lodur.is.

Greiðsla fyrir áskrift er ekki endurkræf undir neinum kringumstæðum og á það einnig við ef kaupandi getur einhverra hluta vegna ekki nýtt sér hina keyptu þjónustu.

6. Greiðsla

Greiðsla fyrir áskriftarþjónustu / keyrt og kvitt og er eingöngu hægt að inna af hendi með greiðslulausnum Parka og Löðurs appsins og um heimildir þeirra aðila til gjaldtöku, s.s. af greiðslukortum, vísast til skilmála viðkomandi aðila. Ekki ert hægt að greiða fyrir áskriftarþjónustu/keyrt og kvitt Löðurs með öðrum hætti en að framan greinir. Það kemur þó ekki í veg fyrir að Löður geti innheimt greiðslur fyrir áskriftarþjónustu/keyrt og kvitt ef einhverra hluta vegna tekst ekki að gjaldfæra fyrir þjónustuna í gegnum greiðslulausnir Parka og Löður appsins.

7. Ábyrgð á þjónustu

Kaupandi ber ávallt alla ábyrgð á tjóni vegna rangrar notkunar á þjónustunni sem verið er að nota hverju sinni. Hann skal lesa allar leiðbeiningar og fara stranglega eftir þeim til þess að forðast tjón á ökutækjum. Löður tekur enga ábyrgð á tjónum sem koma fyrir, fari notandi ekki nákvæmlega eftir þeim. Sé notandi í vafa skal viðkomandi hafa samband við Löður og fá leiðbeiningar áður en að þjónusta er notuð.

Löður ber ekki ábyrgð á tjóni sem hlýst af vanþekkingu, misskilningi eða misnotkun notanda. Löður ber ekki ábyrgð á tjóni sem má rekja til rangra aðgerða notanda. Löður ber ekki ábyrgð á tjóni sem má rekja til utanaðkomandi atvika, t.d. bilana, vatns- og rafmagnsskorts. Ennfremur ef rekja má tjónið til atvika sem stafa af náttúruhamförum, styrjöldum, verkföllum, farsótta eða vegna atriða sem talin verða falla undir óviðráðanleg tilvik (force majeure).

8. Persónuvernd

Farið er með allar persónuupplýsingar sem seljandi móttekur sem algjört trúnaðarmál og þær aðeins nýttar í þeim tilgangi að klára viðskiptafærslu. Kaupanda gefst hins vegar kostur á að fá send tilboð í tölvupósti eða með SMS og mun seljandi þá aðeins nota þær upplýsingar sem til þess þarf, s.s. netfang og farsímanúmer.

9. Brot á skilmálum

Brjóti kaupandi gegn skilmálum þessum, til dæmis, en takmarkast ekki við, með því að reyna að komast hjá gjaldtöku á óheimilan hátt, eða bjóða eiganda eða umráðamanni annars ökutækis, hvort sem er gegn greiðslu eða ekki, að nýta áskriftarþjónustuna, koma gjaldskyldu yfir á óskyldan eða ógjaldfæran aðila, verða uppvís af annars konar misnotkun s.s. með því færa skráningarmerki á milli ökutækja án samþykkis Löður, skal seljanda vera heimilt, án fyrirvara, að fella niður þjónustu og krefjast greiðslu sem seljandi áætlar að af sanngirni bæti fyrir brot notanda. Þá kann seljandi einnig við þessar aðstæður að tilkynna sérhverja refsiverða háttsemi til lögreglu.

10. Breyting á skilmálum

Seljandi hefur heimild til þess að breyta skilmálum þessum án fyrirvara sem og þeim upplýsingum á heimasíðu sinni sem vísað er til í skilmálum þessum. Allar breytingar á skilmálum skulu tilkynntar með skýrum hætti fyrir notendum.

Seljandi áskilur sér ennfremur rétt til að breyta skilmálum þessum vegna nýrra þjónustuleiða, þ.m.t. áskriftarleiða, án þess að tilkynna öllum áskrifendum/notendum um þær breytingar enda hafa þær breytingar ekki áhrif á gildandi áskriftir/ þjónustu.

11. Úrlausn ágreiningsmála

Rísi upp ágreiningur um túlkun og skýringu á skilmálum þessum skulu aðilar leitast við að ná sáttum með heiðarleika og sanngirni að leiðarljósi. Takist það ekki er notanda, ef hann er neytandi, heimilt að bera mál undir kærunefnd vöru- og þjónustukaupa. Þá er notendum, hvort sem þeir eru neytendur eða rekstraraðilar, ávalt heimilt að bera ágreining undir dómstóla. Leiti aðilar liðsinnis dómstóla skal slíkt mál í öllum tilvikum rekið fyrir Héraðsdómi Reykjavíkur.

12. Þjónusta og upplýsingar

Hafi kaupandi spurningar um þjónustu á grundvelli skilmála þessara eða hvaðeina er tengist henni er honum bent á að hafa samband við Löður í gegnum tölvupóstfangið lodur@lodur.is og/eða í síma 568-0000.

13. Önnur ákvæði

Skilmálar þessir gilda um Löður í áskrift og keyrt og kvitt. Með því að samþykkja skilmálana lýsir notandi því yfir að hann hafi lesið, skilið og samþykkt skilmálanna í heild sinni.

Skilmálar þessir gilda frá upphafi viðskipta og til þess tíma er nýir skilmálar taka gildi.

Skilmálar þessir gilda um þjónustu Löður appsins. Með því að samþykkja skilmálana lýsir notandi því yfir að hann hafi lesið, skilið og samþykkt skilmálana í heild sinni.

Notkunarskilmálar

Notandi verður að vera rétthafi þess símanúmers sem hann skráir í þjónustuna. Notandi þarf að minnstakosti vera búin að ná 17 ára aldri og vera með gilt bílpróf ætli notandi að nota þjónustu Löður sem snýr að bifreiðum.

Öll þjónusta við viðskiptavini er í þjónustuveri Löður í síma 568-0000. Opnunartímar þjónustuversins er á milli 8-16 alla virka daga.

Aðeins er tekið við greiðslukortum í þessari þjónustu.

Viðskiptavinur skuldbindur sig til að hlíta þeim kjörum og skilmálum sem sett eru hverju sinni og finna má nánari upplýsingar um í gjaldskrá á vef www.lodur.is

Löður ehf. áskilur sér rétt til að breyta gjaldskránni á hverjum tíma. Gjaldskráin fyrir þjónustu Löður er hægt að finna á hverjum stað fyrir sig, á heimasíðu lodur.is og einnig fyrir á gjaldskrá til samþykktar hverju sinni fyrir hver kaup.

Notandi heimilar gjaldtöku af greiðslukorti sínu sem hann gefur upp vegna greiðslu fyrir þjónustuna sem honum er veitt samkvæmt uppgefinni gjaldskrá á hverjum tíma. Takist ekki að skuldfæra greiðslukort áskilur Löður ehf. sér rétt til að innheimta greiðsluna eftir öðrum innheimtuleiðum. Notandi þarf að gefa upp nafn, kennitölu, heimilisfang, farsímanúmer, ökutækjanúmer, greiðslukortanúmer og aðrar nauðsynlegar upplýsingar til að fá aðgang að þjónustunni. Notandi ber ávallt alla ábyrgð á tjóni vegna rangrar notkunar á þjónustunni. Hvort sem er vegna vals á röngu gjaldsvæði sem afleiðing af röngum innslætti eða af öðrum orsökum, þá er það á hans eigin ábyrgð.

Notandi ber ávallt alla ábyrgð á tjóni vegna rangrar notkunar á þjónustunni sem verið er að nota hverju sinni. Notandi skal lesa allar leiðbeiningar og fara stranglega eftir þeim til þess að forðast tjón á bifreið. Löður ehf. tekur enga ábyrgð á tjónum sem koma fyrir, fari notandi ekki nákvæmlega eftir þeim. Sé notandi í vafa skal viðkomandi hafa samband við Löður ehf. og fá leiðbeiningar áður en að þjónusta er notuð.

Notandi ber ábyrgð á greiðslum til Löður ehf. vegna umbeðinnar þjónustu frá farsíma sínum óháð því hver notar farsímann.

Notandi heimilar Löður ehf. að senda honum tilkynningar í pósti, tölvupósti eða með SMS/MMS skilaboðum um efni sem varðar þjónustuna.

Löður ehf. er heimilt að loka á þjónustu við notanda fyrirvaralaust, ef Löður ehf. hefur ástæðu til að ætla að notandi misnoti þjónustuna eða hafi gefið upp rangar upplýsingar við skráningu. Sama á við ef notandi er kominn í vanskil eða ekki reynist unnt að gjaldfæra skráð greiðslukort fyrir umbeðinni þjónustu.

Notandi getur tilkynnt um uppsögn á þjónustuni með því að hringja í þjónustusímann 568-0000. Löður ehf. meðhöndlar persónuupplýsingar í samræmi við ákvæði laga um persónuvernd og meðferð persónuupplýsinga nr. 90/2018.

Það er á ábyrgð notanda að gefa upp íslenskt símanúmer sem hann er sannarlega skráður fyrir, sem og réttar korta- og bankaupplýsingar á sömu kennitölu. Hægt er að breyta korta- og bankaupplýsingum undir stillingar í appinu. Notandi ábyrgist að uppfæra þær upplýsingar sem um hann gilda þannig að þær séu á hverjum tíma réttar og fullnægjandi.

Skilmálar þessir eru gefnir út af Löður ehf og gilda frá 1. september 2017 og til þess tíma er nýir skilmálar taka gildi.