Nú styttist í að sumarfríin hefjist og því tilvalið að byrja að huga strax að undirbúningi þeirra. Margir kjósa að ferðast innanlands og keyra um land allt og þá er mikilvægt að hugsa vel um bílinn svo hann komi sem best til baka. Hér eru nokkur ráð sem hjálpa við að viðhalda bílnum í gegnum ferðalögin í sumar.
Bestu ráðin eru oft þau einföldustu, með því að bóna lakkið fyrir sumarið myndast vörn og það verður auðveldara að halda bílnum hreinum.
Það er mikilvægt að þrífa fljótt burtu flugurnar framan á bílnum og á speglunum. Flugur valda varanlegum skemmdum á lakkinu til lengri tíma og því skiptir öllu að þrífa þær af eins fljótt og auðið er. Bug remover blandað í vatn er þá úðað eingöngu á fletina þar sem flugurnar eru, og mikilvægt að láta efnið ekki liggja lengi á lakkinu.
Þegar þú ert búinn að þrífa flugurnar af lakkinu er mikilvægt að bóna bílinn til að vernda lakkið. Til eru margar tegundir af bóni og því mikilvægt að leita til fagmanna og fá ráðgjöf hvað þeir mæla með fyrir bílinn þinn.
Best er að skola efnið í burtu með háþrýstingi ef það hefur legið á lakkinu um stund. Ef blettir eftir hreinsiefni sitja sem fastast er hægt að ná restinni með bílasápu og skola vel á eftir.
Það er sérstaklega mikilvægt að þrífa fuglaskítinn af eins fljótt og kostur er því hann er fljótur að eyðileggja lakkið varanlega ef hann er látinn liggja. Best er að strjúka með blautþurrku ef tekið er eftir honum strax. Passa að strjúka létt yfir ef hann fer ekki af strax þarf að grípa til annara ráða. Master cleaner frá málningarvörum er mjög gott efni í svona en þarf að passa að blanda vel með vatni og úða á blettinn og skola af. Matarsodi getur virkað ágætlega líka blandaður í úðabrúsa með vatni og skola vel af með hreinu vatni á eftir. Nauðsynlegt er að bóna lakkið eftir svona meðferð.
Trjákvoða úr fræjum er mikill skaðvaldur og getur valdið skemmdum ef hún fær að sitja á lakkinu lengi. Það eru til mörg efni sem ná þessu límkennda efni af, við mælum með master cleaner blandað í vatn til að úða yfir blettina, og skola vel á eftir. Einnig er hægt að hella spíra í mjúkan klút, strjúka létt yfir og skola. Við mælum með því að lakkið sé hreint áður en þessum aðferðum er beitt. Í lokin þarf að bóna lakkið á bílnum til að verja hann betur ef þetta kemur fyrir aftur.
Keramikhúðun eða Ceramic Coat viðheldur lakkinu á bílnum, ver það fyrir óhreinindum og er afar endingargóð. Til eru ýmsar tegundir af húðun (coating) sem verja lakkið og er mælt með því að hafa samband við fagmenn varðandi slíka meðferð.
Það getur verið mikilvægt að huga að því að sótthreinsa bílinn að innan. Bakteríur og önnur óhreinindi sem sjást ekki setjast þar að. Við getum talið upp a.m.k 10 snertifleti sem eru notaðir daglega. Mikilvægt er þó að nota ekki efni sem geta skemmt yfirborðið á einhvern hátt.
Hreinn ljósabúnaður er öryggisatriði fyrir bílstjórann sem ekur bifreiðinni, því ljósin eru skýrari og betri vegvísir, og aðra bílstjóra sem sjá bílinn þinn mun fyrr.
Við þekkjum svo öll þegar sólin fer að skína og við sjáum ekkert út um framrúðuna á bílnum. Það er mikilvægt að þrífa hana sem oftast að innan og utan, svo við sjáum vel á veginn öllum stundum.
Um Löður
Opnunartímar
Virkir dagar 8-19
Um Löður
Opnunartímar
Virkir dagar 8-19